Chadez Greening

"Ehara taku toa i te toa takitahi, engari he toa takitini."

Ko Haumia, Ko Te Ramaroa nga maunga.

Ko Te Wai-o-Paoa, Ko Whirinaki nga awa

Ko Horouta, Ko Ngatokimatawhaoroa nga waka

Ko Turanganui-a-Kiwa, Ko Hokianga nga moana

Ko Waihirere, Ko Tuwhatero nga rere

Ko Parihimanihi, Ko Pa Te Aroha,Ko Matai Aranui, ratou Ko Moria nga Marae.

Ko Te Poho o Mahaki Te whare tupuna

Ko Waihirere, Ko Te Hikutu nga hapu.

Ko Te Aitanga-a-Mahaki rauako Ngapuhi nga iwi.

Ka tu koa ko au, he uri whakaheke no aku tupuna o Tokerau Ki Rawhiti.

He Raukura au nō Te Kura Kaupapa Māori o Hoani Waititi, i reira i whakatōngia ai te reo Māori, ngā tikanga Māori, me ngā mātāpono o Te Aho Matua hei tūāpapa mō tōku ao. Nā aua akoranga i whakapakari ai taku ngākau ki te manaaki tangata, te whakawhanaungatanga, me te mahi ngātahi, ā, ko ēnei tonu ngā uara e kawea nei e au i roto i aku mahi.

He tangata hihiri, he tangata nahanaha, he tangata pukumahi hoki au, e ū ana ki te tautoko i te tangata me te whakarite kia rere pai ai ngā whakahaere. Neke atu i te rima tau taku wheako hei Kaiāwhina, hei kaiako whakakapi ki Te Kura Kaupapa Māori o Hoani Waititi, ā, kua mahi hoki au hei Kaiāwhina Kaiako ki Te Kura Tuatahi o Ratapiko. Nā ēnei tūranga i whanake ai ōku pūkenga whakahaere, whakawhitiwhiti kōrero, mahi ngātahi, me te tautoko i ngā whānau, ngā kaimahi, me ngā ākonga.

Kei roto hoki i taku wheako ngā mahi whakahaere tari, tae atu ki te whakahaere whare noho i Tāmaki Makaurau, te pupuri pūkete, te whakaraupapa kōnae, te whakahaere pukapuka pūtea, me te manaaki kiritaki. He tangata pono, he tangata ngāwari ki te urutau, he tangata aro nui ki ngā taipitopito, ā, e whakapono ana au ko te angitu o te whakahaere ka ahu mai i te mahi ngātahi, te manaaki, me te whakapau kaha.